Cari amici lettori, come già accennato nel corso del 2024, dedicheremo quest’anno ad una breve storia dei giornali in piemontese.
Tralasciamo il «Parnas piemontèis», di cui si è già detto nella rubrica “Nìvole” di Cose Nostre di settembre 2024, e cominciamo con la «Gasëta d’ Gianduja» (grafia originale) che fu il primo periodico in piemontese.
Il primo numero uscì, 2 volte alla settimana, dalla Tipografia Nazionale di Torino dal 13 maggio 1866 fino al 2 aprile 1867, quando divenne trisettimanale e durò fino al 24 maggio 1868. Fu fondato da Luigi Pietracqua (Voghera 23 01 1832; Torino 28 10 1901) che diede al giornale un indirizzo politico, di ispirazione massonica.
Il Pietracqua fondò vari periodici in lingua e in dialetto e scrisse, oltre a numerose commedie, anche poesie e romanzi che pubblicò a puntate sulla «Gasëta d’ Gianduja».
In queste opere ritrasse l’anima del popolo nei suoi vizi, nelle sue virtù, nei suoi eroismi, con finalità patriottiche e pedagogiche.
Uno dei romanzi è stato “Don Pipeta l’asilé”[1]; la prima puntata uscì sulla Gasëta d’ Gianduja il 15 di giugno 1867. Romanzo storico in lingua piemontese. Vi si rivivono i tempi eroici della resistenza massonica all’Inquisizione.
Il romanzo inizia così:
N.B.: La grafia è quella originaria, leggermente riveduta in modo da renderla di facile lettura.
Al fond dl’antica Contrà dle Quatr Pere, a snistra passand dnans a la pòrta dle Tor, pòchi ani fa j’era ancora una viëta ch’a servìa d’passage a coi ch’a vorìo andè a sbochè a Porta Palass.
As ciamava, e i chërdo che ancora ultimament a l’avèissa nen përdù cost nòm, la Viëta dle Sòme.
A metà d’costa viëta j’era una pcita rampa, con una pcita piataforma, dove anticament as fasia propi ’l marca dle sòme.
Ant coi temp là Turin a l’era richissim d’cost gener d’viëte: ma i chërdo che pì bruta, pì malincònica, pì sperssa che costa ai na fussa gnun-e.
Tant a l’è vera lòn, che i sotror dla sità l’ero vnù bel’e lì a piantè sò quartè general, trovand forse gnun autri pòst pì scartà e pì adatà për lor.
Ma la pcita stòria ch’i vad a conteve a rimonta a un temp motoben anterior a costa invasion d’bëcamòrt ant la Viëta dle Sòme.
Figureve che, pòch su pòch giù, a l’è question d’un secol fa!
Anlora le sgnore a portavo ’l gardanfan[2] e j’òmini ’l codin.
Tra le raire boteghe d’cola viëta, e precisament dova che pì tard s’era vnusse a butè un sëbrè[3] e peui an ultim un cavagnè, j’era donque a coi temp una specie d’cantina, ò betola, ò gargòta[4] ch’as veuia ciamesse, dova i bon Turineis amanti dla doja[5] andasìo a beive sò ciorgnet[6] da stërmà.
L’era verament una gargòta misteriosa, përchè d’fòra a l’avia gnun-e anssëgne, gnun distintiv d’ostaria; e drinta ventava tnì ’l lum avisch anche d’pien mesdì, tant com’a l’era scur.
’L paravent[7] ch’a servìa d’intrada a cola botega l’avia i veder d’teila anssirà: lòn ch’a rendia ancora pì scur l’interno.
La padrona d’col stabiliment as ciamava Catlin-a.
L’era vidoa, e a l’avia un fieul e una fia, ch’a stasìo con chila, e ch’a la agiutavo a tirè anans la baraca.
Ma se la veja Catlin-a as podia ancora ciamesse una bela dòna, për soa innegabil robustëssa, granda e gròssa ch’a smiava un dragon, tant’ sò fieul Batista com soa fia Genojefa a l’ero i doi pi brut e pì infelici tipi d’creature ch’as podeissa inmaginè.
Batista, a l’età d’19 ani sonà, l’era ancora così pcit, ch’a l’avrìo gnanca pialo a fè ’l soldà; sò plagi l’era neir, soa facia rupìa fin-a da masnà; i cavej a smiavo d’stopa[8]; ’l nas l’era decisament col d’un can boldòch, e la boca, quand a la durvia, a smiava un forn. Anssoma ’l pòver fieul a l’avìa una fisonomia tut’ansema dle pì brute; l’unica còsa ch’a l’aveissa d’meno ributant, l’era l’espression d’j’euj. I sò euj, se un a l’aveissa guardalo un po’ fiss, a l’avio un non so che d’attraent, d’magnetich, e quaich vòlta a mandavo fora certi lamp d’inteligenssa così viv, così espressiv, che quasi a fasìa paura. L’è fòrse për lòn che j’aventor ordinari dla gargòta a disìo tuti ch’a ventava nen fidesse d’Batista, përchè a l’avia j’euj forchin[9]. Epura l’era la pì bon-a pasta d’fieul ch’as podeissa trovè.
La pòvra Genojefa, peui, l’avìa la facia così oribilment maltratà da le vairòle[10], ch’a l’era tuta cuverta d’pitocure[11]. Pì giovo d’doi ani che sò fratel, l’era però pì granda d’statura e pì drita d’còrp. Anssi, se un a l’aveissa mach guardala da la part ’d la schin-a, l’avria nen poduje neghè una certa eleganssa ant ij sò moviment, una certa sveltëssa e grassia relativa; ma, vista d’facia, l’avia assolutament pì gnente d’seducent.
________________________________
[1] Venditore o fabbricante di aceto
[2] Guardinfante
[3] Costruttore di tinozze; bottaio
[4] Taverna; bettola
[5] Boccale; brocca
[6] Quintino
[7] Oggi diremmo: la porta a vetri
[8] Stoppa
[9] Uomo degno della galera
[10] Cicatrici del vaiolo
[11] Butteri, cicatrici
