La storia del «Birichin» venne narrata in maniera aneddotica da Arrigo Frusta su alcuni numeri del giornale «Ij Brandé» del 1948/49.
Pròpi parèj: ant l’ann ëd grassia 1885 ‘l Birichin a se comensasse a stampé ant na tipògrafia ‘d via San Fransèsch da Paula ch’a l’avìa na «rotativa» (A l’era na machina con na gran roa, girà a man, e un tòrcc ëd bòsch). E a l’ha avù doi parin, ò, s’i voroma, doi pare putativ: Camillo Sacerdote[1] e Muzio Semola[2] …
E adess, son ficame ant ij pastiss: dovrìa spieghé ‘l përchè e ‘l për come a coi temp aj rivèissa a Turin tuta na tribù… roman-a dë scritor piemontèis: a j’era Orazio Fiacco, Tito Livido, Muzio Semola, Ovidio N’aso, Cajo Sul… Basta, lassomla perde, che j’andarìo tròp për le longhe. L’important a l’é ‘d savèj che Muzio Semola as ciamava anche Carlo Origlia e a l’era gnente meno che ‘l famos editor dij poeta piemontèis d’antlora: Viriglio[3], Fasolo[4] e Rico[5], ij pì conossù e an vòga.
Adess sté atent e deurve bin j’orije: coi doi modej ëd parin, për anlevé conformasdev[6] sò bailòt[7], trovandse un pò a le strèite, son pa stàit antërdoà[8]: sensa dì né un né doi l’han fàit gnente d’àutr che porté da Paulin[9] n’ autèntich armontoar[10] d’òr. Sacerdote a l’avìa ereditalo dal barba bonànima e Muzio Semola, che, për coragi a l’era nen da meno dël sò omònim ëd doi mila ani prima, sensa un sospir, sensa na làcrima, sensa tramblé për gnente, con pass franch e degordì[11] l’é sùbit corù sul Sacro Monte[12] a sacrifichelo al Mani[13] dla leteratura piemontèisa. J’esistlo al mond n’àutra leteratura qualunque, da la Babilonèisa a la Carolingia, da la Mohican-a a la Jugoslava, ch’a peussa presenté n’esempi egual a col-lì d’amor ëd sacrifissi për ël linguagi ‘d sò cioché? Përché, a le curte, col armontoar a l’era pròpi d’or e a sonava le ore, le mese e ij quart.
Alberto Viriglio, ch’a l’é stàit ël pì curios a cheuje le memòrie dël nòst dialèt, quand che a l’é butasse a scrive “Torino e i Torinesi”[14] l’ha ciamaje a Sacerdote le notissie dij primi ani dël Birichin. E Sacerdote a l’ha rësponduje për parèj: “Ij primi articoj publicà a l’ero quaicòsa ‘d meno che ‘d caplavor… epura l’ansema dël giornal a l’avìa n’aparensa così dròla e neuva ‘d bohème alegra e dëscavijà[15], che ‘l bon pùblich bicerin l’ha trovà la facessia[16] ‘d sò gust e l’ha comensà a vorèj bin al giornalèt sensa pretèise”.
E, miràcol pròpi strasordinari[17], col bin che ‘l pùblich a l’ha vorsuje a sò giornal an dialèt a l’é durà për quarant’ani bej e riond[18]: dal 1885 fin-a al 1924, fin-a al fassism.
Ai doi parin, apen-a dòp n’ann, a l’é suceduje Bernardin Ferrero[19], un bohème cost-sì dla pi bel’aqua[20]. A tnisìa na botega da ciclista an Piassa Solferin: dòp l’ha tramudala an cors Palestro an sël canton ëd via Garibaldi.
Finalment un bel dì ‘d mars dël 1896 doi student ëd lege: Giusep Radin e Gioann Batista Rossan[21] l’han posà sla tàula, un dòp l’àutr, tre còrp[22] e sinch gambe[23], ch’a fasìo bel e bin[24] tremila e sinchsent cavije[25].
E ‘l nodar Proto Destefanis con un gest nòbil e grassios l’ha sùbit passaje al succitato Ferrero Bernardino, il quale con col at a cedìa tuti ij drit ëd proprietà dël suddetto giornale «in saecula saeculorum» ai soprannominati finanzieri, essendo testimoni Tito Livido[25] e Arrigo Frusta.
E, da col dì – 23 mars 1896, dësmentiomlo nen – a l’é comensaje ij ses ani pi bej e pì glorios dël Birichin, e forse anche dël nòst dialèt piemontèis.
(Continua al prossimo numero)
________________________________
[1] Israel Moise Camillo Sacerdote: Poeta in lingua piemontese; (To 27/3/1863 – To xx/4/1939).
È sepolto nel cimitero ebraico di Torino. Da non confondere con:
Giacomo Sacerdote: Editore e stampatore; (To 23/2/1868 – Lugano 23/2/1944); è stato l’ultimo direttore del Birichin dal 1920 al 1927.
Per sottrarsi alle persecuzioni nazifasciste si rifugiò a Lugano dove morì.
[2] Carlo Origlia in arte Muzio Semola, editore in quegli anni della maggior parte degli scrittori in piemontese.
[3] Alberto Viriglio (To 17/2/1851 – 22/8/1913); fu tra i principali scrittori della generassion dël Birichin.
Oltre che come poeta fu molto noto come storico e divulgatore. v. COSE NOSTRE Maggio 2022.
[4] Oreste Fasolo (To 1864 – 21/1/1919); Scrittore di commedie e poesie in piemontese. v. COSE NOSTRE Maggio 2019.
[5] Leone Fino (Rico): (To 1861 – 16/3/1935); Scrittore di commedie e poesie in piemontese. v. COSE NOSTRE Feb. 2021.
[6] Come si deve.
[7] Neonato.
[8] Interdetto, perplesso.
[9] Il Monte di Pietà dell’Istituto Bancario San Paolo.
[10] Orologio da taschino.la parola armontoir non è presente in nessun vocabolario piemontese.
Come mai? Ipotesi: Arrigo Frusta, profondo conoscitore della lingua piemontese, amava anche creare delle parole nuove.
In francese esiste la parola remontoir che vuol dire: “meccanismo di carica della molla e di spostamento delle lancette negli orologi, manovrato tramite una rotella posta su di un lato all’esterno della cassa; anche, l’orologio stesso”.
Quindi l’ipotesi è che A. Frusta abbia creato la nuova parola armontoir da remontoir .
[11] Svelto, scaltro.
[12] Il Monte di Pietà.
[13] Con questa denominazione gli antichi Romani designavano le anime dei defunti.
[14] Opera scritta da Alberto Viriglio che offre una panoramica vivida e coinvolgente di Torino e della sua cultura nella seconda metà dell’800.
[15] Scapigliato. Che appartiene al movimento letterario della scapigliatura.
[16] Scherzo.
[17] Straordinario.
[18] Rotondi.
[19] Bernardino Ferrero (To 1866 – 24/3/1924) fu per otto anni il direttore del Birichin, dal 1888 al 1896.
v. COSE NOSTRE Ottobre 2024. Dopo di lui subentrò Giovanni Gastaldi, detto “Tito Livido”.
[20] Bello, fresco.
[21] Giuseppe Radino (Paggio Bruno, studente di legge; + 20/11/99) e Giovanni Battista Rossano (San Orso, laureando in lettere),
27 anni, barba irta spinosa e rossiccia) entrambi avvocati e scrittori in piemontese.
[22] (t. ant. gerg.) Biglietto da mille lire.
[23] (t. ant. gerg.) Moneta o biglietto da cento lire.
[24] Assai.
[25] (t. ant. gerg.) Lire.
[26] Tito Livido (Agrigento 1865 – To 5/6/1914) nome de plume di Giovanni Gastaldi, v. COSE NOSTRE Giugno 2014.
